Viðmótsgóður leiðbeinandi/kennari

Ert þú viðmótsgóður viðmótsforritari?

Vefskólinn leitar að sérfræðingi í viðmótsforritun. Fullt starf eða hlutastarf leiðbeinanda/kennara er í boði.

Frábært tækifæri til þess að deila reynslu og þekkingu með áhugasömum nemendum í skemmtilegu og skapandi vinnuumhverfi.

Starfssvið

• Kennsla í HTML, CSS og JavaScript
• Skipulag á kennslu í samstarfi við Tækniskólann
• Skipulagning á námsefni og yfirferð á verkefnum

Hæfniskröfur

• Víðtæk þekking í viðmótsforritun
• Framúrskarandi færni í að búa til viðmót með HTML og CSS
• Mjög gott vald á JavaScript
• Nám í tölvunarfræði, vefforritun eða öðru sambærilegu námi er kostur
• Hæfni í mannlegum samskiptum
• Áhuga og metnaður að þróa framúrskarandi nám í vefþróun
• Gott auga fyrir útliti og viðmóti
• Þekking á eftirfarandi er mikill kostur: AngularJS, React, MySQL, PHP, Node.js, SASS, Git

Vefskólinn er hluti af Tækniskólanum og eru starfsstöðvar skólans við Háteigsveg. Nám við skólann hófst haustið 2015. Vefskólinn býður upp á sérhæfða námsleið í vefþróun með áherslu á viðmótsforritun, að loknu stúdentsprófi. Námsleiðin er sérsniðin að þörfum atvinnulífsins og hefur fjöldi fyrirtækja í vefiðnaði tekið þátt í því að þróa námið og kenna nemendum Vefskólans. Rík áhersla á fjölbreytt verkefni í nánu samstarfi við atvinnulífið.