Varstu biti/n/nn/ð af geislavirkri kónguló í æsku?

Við leitum að reynslumiklum vefforritara sem hefur brennandi áhuga á því að nota ofurkrafta sína til góðs.
Viðkomandi mun þróa og hafa yfirumsjón með þróun vefkerfa og hvernig uppbyggingu skuli háttað hjá Landsvirkjun, taka þátt í þróun stafrænnar þjónustu og innviða fyrirtækisins og verða leiðandi í að nýta tækni til að auka og bæta þjónustu við viðskiptavini og starfsfólk.

Starfið er á deild upplýsingatækni og stafrænnar þróunar.

Hæfniskröfur:

• Háskólamenntun á sviði tölvunarfræði eða hugbúnaðarverkfræði
• Yfirgripsmikil þekking og reynsla í forritun og hugbúnaðarþróun
• Reynsla af þróun í React, HTML og CSS
• Reynsla af notkun GIT
• Samskiptafærni og metnaður til að vera hluti af öflugri liðsheild
• Frumkvæði, áreiðanleiki og drifkraftur

Sótt er um hjá Hagvangi, hagvangur.is og umsóknarfrestur er til og með 10. júní.