Sumarstarf fyrir háskólanema – Sala og markaðsmál

Tulipop óskar eftir starfskrafti/háskólanema í sumarstarf til að vinna við sölu og markaðssetningu á Tulipop á erlendri grundu. Verkefnin eru m.a. markaðsrannsóknir, sending sýnishorna og eftirfylgni, markaðssetning á Netinu, m.a. í gegnum Facebook-, Twitter-, og blogg-síðu fyrirtækisins og önnur sölu- og markaðsverkefni, s.s. vinna að undirbúningi söluferða og –sýninga erlendis. Tulipop er hönnunar- og hugmyndafyrirtæki, stofnað í byrjun árs 2010. Tulipop er til húsa í frumkvöðlasetrinu Kvosinni. Tulipop framleiðir litríkar og skemmtilegar vörur þar sem óttalega krúttlegar fígúrur eru í lykilhlutverki. Vörur Tulipop hafa hlotið afar góðar viðtökur og eru seldar í 19 hönnunarverslunum á Íslandi, í Svíþjóð og Bandaríkjunum.

Starfið er hluti af átaksverkefni Vinnumálastofnunar fyrir námsmenn og atvinnuleitendur, sjá nánar á www.vmst.is.