Sumarstarf fyrir háskólanema – Grafísk hönnun

Tulipop óskar að ráða starfsmann/háskólanema í sumarstarf tvíþætt verkefni á sviði grafískrar hönnunar: Annars vegar útfærslu á myndskreytingum og fígúrum Tulipop fyrir tölvuleik (s.s. iPhone eða Facebook leik), en það verkefni yrði unnið í nánu samstarfi við forritara. Hinsvegar þróun markaðs- og kynningarefnis vegna sölu- og markaðssetningar á vörum Tulipop á erlendri grundu. Tulipop er hönnunar- og hugmyndafyrirtæki, stofnað í byrjun árs 2010. Tulipop er til húsa í frumkvöðlasetrinu Kvosinni. Tulipop framleiðir litríkar og skemmtilegar vörur þar sem “krúttlegar” fígúrur eru í lykilhlutverki. Vörur Tulipop hafa hlotið góðar viðtökur og eru seldar í nítján hönnunarverslunum á Íslandi, í Svíþjóð og Bandaríkjunum.

Starfið er hluti af átaksverkefni Vinnumálastofnunar fyrir námsmenn og atvinnuleitendur, sjá nánar á www.vmst.is.