Sérfræðingur í upplýsingatækni

LV leitar að öflugum liðsmönnum á upplýsingatæknisvið sjóðsins.
Á upplýsingatæknisviði LV starfar samhentur hópur sérfræðinga við hugbúnaðarþróun. LV á og rekur eigin upplýsingakerfi sem sérhæfð eru fyrir starfsemi lífeyrissjóðins. Kerfin eru í stöðugri þróun og leitast sjóðurinn við að nota nýjustu tækni við hugbúnaðargerð á hverjum tíma.
Snjöll þjónusta er eitt af fimm leiðarljósum stefnu LV. Þannig miða tæknilegir innviðir sjóðsins að því að veita snjalla þjónustu út frá þörfum sjóðfélaga og launagreiðenda. Á síðasta ári voru lífeyrisþegar um 22 þúsund, iðgjaldagreiðendur voru um 9 þúsund og heildarfjöldi sjóðfélaga var um 178 þúsund.

Við leitum að öflugum og metnaðarfullum einstaklingum til að slást í hópinn og takast á við krefjandi og spennandi verkefni sem framundan eru.

Helstu verkefni:

• Hönnun og smíði hugbúnaðar
• Innleiðing stafrænna lausna fyrir sjóðfélaga og launagreiðendur
• Viðhald á viðskiptahugbúnaði sjóðsins
• Þróun og innleiðing úrbóta og nýrra lausna

Menntunar og hæfniskröfur:

• Menntun á sviði tölvunarfræði
• Reynsla af hugbúnaðarþróun, svo sem:
• Reynsla af framendaforritun
• Reynsla af CI/CD pipelines fyrir Azure Kubernetes þjónustur
• Færni í forritun (Java, C# og Typescript/Javascript)
• Þekking á gagnagrunnum og SQL fyrirspurnamálinu
• Sjálfstæði í störfum, frumkvæði og þjónustulund
• Geta til að vinna vel í hóp