Sérfræðingur í upplýsingatækni

Við hjá Innnes leitum að öflugum einstaklingi í okkar liðsheild. Um er að ræða nýtt starf á upplýsingatæknisviði. Nýr liðsmaður mun starfa með samhentu teymi sem heldur utan um rekstur og þjónustu upplýsingatæknimála hjá Innnes. Starfið heyrir undir rekstrarstjóra upplýsingatæknisviðs.

Helstu verkefni:

Dagleg aðkoma að rekstri á ERP kerfi fyrirtækisins Dynamics AX 2012, stuðningur við notendur í öðrum kerfum, þátttaka í verkefnastýringu og innleiðingum á hugbúnaði ásamt ferla- og þarfagreiningum og ýmsum verkefnum sem falla undir upplýsingatæknisvið.

Hæfniskröfur:

Viðkomandi þarf að hafa góða, almenna tölvuþekkingu, menntun eða reynslu sem nýtist í starfi, vera lausnamiðaður í hugsun og með ríka þjónustulund. Reynsla af Dynamics AX eða sambærilegum ERP kerfum er nauðsynleg en reynsla af Manhattan Scale, Value Plan eða AGR er einnig kostur. Reynsla af verkefnastjórnun og/eða ferlagreiningum mikill kostur.