Sérfræðingur í samþættingum

Við leitum að metnaðarfullum og drífandi einstaklingi til að taka þátt í hönnun, útfærslu og stjórnun á millilagi Össurar. Viðkomandi þarf að búa yfir reynslu í vefþjónustugerð og samþættingu kerfa og hafa útsjónarsemi og lausnamiðaða hugsun að leiðarljósi.

Við leitum að einstaklingi sem vill taka fullan þátt í umbreytingu á tækniumhverfi Össurar þar sem við munum einfalda og þjónustuvæða umhverfið okkar og færast yfir í Azure skýjalausnir. Um er að ræða fjölbreytt og krefjandi verkefni í framsæknu tækniumhverfi.

Viðkomandi mun fá tækifæri til að taka þátt í að móta öflugt teymi sérfræðinga og skapa liðsheild og menningu þess teymis.

Við bjóðum upp á sveigjanlegan vinnutíma og fullan möguleika á fjarvinnu.

HELSTU ÁBYRGÐARSVIÐ

• Hönnun og þróun á bakendalausnum og samþættingum; mestmegnis í Azure, Logic Apps, Function Apps, datafactory, MS SQL
• Þáttaka í að móta framtíðarsýn kerfislandslags og styðja við cloud first stefnu fyrirtækisins
• Utanumhald og stýring á verktökum og ráðgjöfum
• Þátttaka í alþjóðlegum verkefnum
• Samvinna við einingar og starfsstöðvar um allan heim
• Full þáttaka í að móta öflugt teymi sérfræðinga og skapa liðsheild og menningu þess teymis

HÆFNISKRÖFUR

• Reynsla af hönnun og þróun hugbúnaðar og samþættingarlausna
• Þekking á eftirfarandi er kostur:
• Azure og/eða öðrum skýjalausnum
• API Management
• Javascript
• Hæfni til að starfa bæði sjálfstætt og í hópi sérfræðinga
• Metnaður og lausnamiðuð hugsun
• Framúrskarandi samskiptahæfni og mjög góð enskukunnátta
• Háskólapróf eða reynsla sem nýtist í starfi

Umsóknarfrestur er til og með 6. febrúar 2022.