Sérfræðingur í notendaþjónustu 

Kvika banki leitar að sérfræðingi með ríka þjónustulund í notendaþjónustu á upplýsingatæknisviði bankans. Teymið vinnur að fjölbreyttum verkefnum þvert á samstæðu og býr yfir mikilli reynslu. Um er að ræða frábært tækifæri fyrir einstaklinga sem vilja afla sér meiri reynslu í notendaþjónustu og kerfisrekstri undir leiðsögn reyndra sérfræðinga.

Kvika leitast við að auka fjölbreytileika meðal starfsfólks og fjölga konum í upplýsingatækni og hvetur öll áhugasöm, óháð kyni, til að sækja um.

Helstu verkefni og ábyrgð: 

• Almenn þjónusta við notendur með tölvur, farsíma og annan almennan tölvubúnað 
• Uppsetning og viðhald vél- og hugbúnaðar notenda 
• Dagleg umsjón notendakerfa

Eiginleikar sem við leitum eftir: 

• Góð þekking á Windows umhverfi og notendahugbúnaði
• Reynsla af þjónustustörfum
• Menntun sem nýtist í starfi er kostur
• Sjálfstæði og vönduð vinnubrögð
• Lausnamiðuð hugsun
• Rík þjónustulund og þolgæði
• Færni í mannlegum samskiptum og teymisvinnu
• Mikill áhugi á að læra nýja hluti
   
  Kvika er öflugur banki með mikla áherslu á nýsköpun og stafrænt vöruframboð. Starfsumhverfið einkennist af samvinnu og sveigjanleika, með áherslu á frumkvæði starfsfólks, jafnrétti og gefur tækifæri til að starfa með fjölbreyttum hópi sérfræðinga með víðtæka reynslu.