Sérfræðingur í gagnalekavörnum (DLP)

Íslandsbanki leitar að jákvæðri, metnaðarfullri og áhugasamri manneskju í starf sérfræðings í gagnalekavörnum ( DLP ) innan Stafrænnar þróunar og gagnastýringar. DLP sérfræðingur gegnir lykilhlutverki í skipulagningu, viðhaldi og eftirliti gagnalekavarna í samstarfi við viðskipta og eftirlitseiningar bankans. Skýrslugerð til hagsmunaðila og frammistöðumælingar DLP varna ásamt framþróun þeirra er á ábyrgð DLP sérfræðings.

Helstu verkefni:

• Innleiðing á viðhald á DLP reglum í Purview gagnalekavörnum
• Vöktun, mælingar og frammistöðumat gagnalekavarna
• Skýrslugerð ( PowerBI ) til helstu hagsmunaaðila
• Framleiðsla og dreifing fræðsluefnis um gagnalekavarnir
• Innleiðing atvikaferla fyrir gagnalekavarnir
• Gagnagreining og flokkun í samræmi við þarfir viðskiptaeininga

Hæfniskröfur:

• Jákvætt hugarfar, frumkvæði og sjálfstæði í vinnubrögðum
• Grunnmenntun á háskólastigi er æskileg, en sérhæfð þekking og reynsla á sviðinu (1-3 ár) er einnig kostur
• Þekking á gagnalekavörnum, aðferðarfræði, innleiðingu þeirra og rekstri, sérstaklega Microsoft Purview
• Reynsla af gagnagreiningum og skýrslugerð í PowerBI
• Þekking á innleiðingu og viðhaldi öryggisstefnu og verkferla
• Reynsla af viðbrögðum og úrbótum vegna gagnalekavarna
• Sterk greiningarhæfni og færni í lausn vandamála
• Hæfni til að vinna í teymi og sjálfstætt undir álagi

Nánari upplýsingar: 

Nánari upplýsingar veita Konráð Hall, forstöðumaður Kerfisreksturs ( konrad.hall@islandsbanki.is ) og Guðlaugur Örn Hauksson, ráðningarstjóri (gudlaugur.orn.hauksson@islandsbanki.is).

Hjá Íslandsbanka starfa um 750 manns sem hafa ástríðu fyrir árangri og vinna að lausnum fyrir viðskiptavini með fagmennsku að leiðarljósi. Við leggjum áherslu á að skapa virði til framtíðar með traustum rekstri og framúrskarandi þjónustu.