Sérfræðingur á vef- og markaðssviði

Vegna aukinna umsvifa og fjölmargra spennandi verkefna framundan, auglýsir ferðaskrifstofan Nordic Visitor eftir sérfræðingi með áherslu á verkefnastýringu í vefþróun og stafrænum lausnum.

Nordic Visitor opnaði sinn fyrsta vef árið 2004 og hefur allar götur síðan verið framarlega í vefþróun í ferðaþjónustu. Vefur fyrirtækisins er í dag ein stærsta vefverslun Íslands, bæði þegar litið er til fjölda heimsókna og veltu.

Á vef- og markaðssviði Nordic Visitor starfa átta starfsmenn að metnaðarfullri uppbyggingu vefsvæða fyrirtækisins sem og markaðssetningu fyrirtækisins út á við.

Starf sérfræðings á vef- og markaðssviði er mjög fjölbreytt og spennandi, en jafnframt krefjandi. Vefirnir eru andlit Nordic Visitor út á við og helsta sölutól.

Starfssvið

• Þróun á vefsvæðum fyrirtækisins, í nánu samstarfi við forstöðumann sem og aðra starfsmenn og samstarfsaðila sviðsins
• Vefþróun og endurbætur á vefsvæðum fyrirtækisins, í nánu samstarfi við forstöðumann sem og aðra vefstjóra, starfsmenn og samstarfsaðila sviðsins
• Umsjón sérstakra vefverkefna
• Aðkoma að þróun á stafrænum lausnum
• Aðkoma að hönnun á notendaviðmóti
• Teymisvinna innan sviðsins sem og fyrirtækisins
• Önnur tilfallandi verkefni er tengjast vef- og markaðssviði

Hæfniskröfur:

• Reynsla af vefþróunarverkefnum er skilyrði
• Reynsla af innleiðingu snjallra lausna er æskileg
• Lágmark 3 ára starfsreynsla í sambærilegu starfi
• Reynsla af vefstjórn og verkefnastjórn
• Hæfni í mannlegum samskiptum og teymisvinnu
• Góð enskukunnátta er skilyrði, Norðurlandatungmál og/eða þýska er mikill kostur
• Háskólamenntun sem nýtist í starfi