Sérfræðingur á sviði gagnastrauma og gæðaeftirlits

Veðurstofa Íslands auglýsir eftir sérfræðingi á sviði gagnastrauma og gæðaeftirlits, sem kemur til starfa á Athugana- og tæknisviði. Sviðið sinnir margþættu hlutverki fyrir langtíma náttúrufars- og auðlindarannsóknir og vöktun náttúruvár. Í boði er spennandi og krefjandi starf í hópi 20 starfsmanna við rekstur á mælikerfum sem telja um 600 stöðvar vítt og breytt um landið.

Helstu verkefni og ábyrgð
Eftirlit með gagnastraumum og gæðaeftirlit innifelur m.a. högun gagna, val á gagnaflutningsleiðum og sjálfvirknivæðingu gæðaeftirlits frumgagna, en jafnframt rekstur mælikerfa og umsjón með tækja- og stöðvagagnagrunni stofnunarinnar. Starfið gerir kröfu um töluverða tölvuþekkingu og greiningarhæfni, en einnig reynslu af vinnu með stór gagnasöfn og þekkingu á rekstri mælikerfa til öflunar þeirra. Starfið innifelur einnig töluverða útivist, enda eru mælistöðvar staðsettar allt frá ystu annesjum og upp á hæstu jökla.

Hæfniskröfur
– Háskólanám á sviði, verkfæði, tæknifræði, eða tölvunarfræði. Framhaldsmenntun (MS) á framangreindum sviðum er kostur
– Reynsla á sviði gagnaumsýslu, gagnaflutnings- og greiningu gagna
– Góð tölvuþekking, þekking á Linux og Windows og helstu gagnagrunnskerfum
– Færni í mannlegum samskiptum, frumkvæði og hæfni til að vinna sjálfstætt og í teymisvinnu
– Góð færni í íslensku og ensku
– Þekking á sviði hugbúnaðarþróunar og verkefnastýringar er kostur
– Reynsla á sviði mælareksturs, beitingu og viðhaldi mælitækja er kostur
– Reynsla í gerð verkefnaáætlana og skjölunar- og skýrslugerðar er kostur
– Reynsla af útivist og ferðum í óbyggðum ásamt ökuréttindum C1E er kostur