Ráðgjafi

Vegna aukinna verkefna og umsvifa leitum við að metnaðarfullum og drífandi einstaklingum til þess að starfa með okkur. Ef þú hefur áhuga á að vinna á líflegum vinnustað, í framlínu tæknibreytinga og takast á við spennandi verkefni þá erum við að leita að þér.

Rue de Net er hugbúnaðarhús í upplýsingatækni sem aðstoðar framúrskarandi fyrirtæki við val og innleiðingu á viðskipta- og verslunarlausnum. Rue de Net er á fullri ferð með viðskiptavinum sínum úr skápnum í skýið, með því að bjóða nýjustu tækni, gæðavörur og persónulega þjónustu.

Rue de Net býður upp á frábært vinnuumhverfi, sveigjanlegan vinnutíma og starfsaðstöðu á besta stað í bænum. Hjá Rue de Net munt þú starfa í hópi sérfræðinga sem nálgast verkefni sín með þekkingu, fagmennsku og samvinnu að vopni. Þú færð fjölbreytt og krefjandi verkefni og tækifæri til að nota framsýni, nýsköpun og gæði til að gera einhver bestu fyrirtæki landsins enn betri.

Dæmi um verkefni og ábyrgð

• Ráðgjöf, kennsla og aðstoð við Microsoft Dynamics 365 Business Central (áður NAV)

• Ráðgjöf, kennsla og aðstoð við verslunarkerfi frá LS Retail, t.d. LS Central

• Ráðgjöf, kennsla og aðstoð við vefverslanakerfi

• Almenn samskipti og þjónusta við viðskiptavini

Menntunar- og hæfniskröfur

• Tölvunarfræði, verkfræði, viðskiptafræði eða önnur menntun sem nýtist í starfi

• Hafa lokið náminu Viðurkenndur bókari er mikill kostur

• MB-800 Microsoft Dynamics 365 Business Central Functional Consultant er kostur

• Þekking og reynsla af Microsoft Dynamics 365 Business Central hugbúnaði

• Reynsla af sambærilegu starfi er mikill kostur

• Góð tækniþekking og geta til að setja sig inn í ný kerfi

• Samskiptahæfileikar og góð þjónustulund

• Frumkvæði og öguð vinnubrögð

Æskilegt er að viðkomandi hafi gott vald á íslensku og ensku, hafi ríka gæðamiðaða þjónustulund og geti unnið sjálfstætt sem og í hóp.