Öryggisstjóri (e. Chief Security Officer)

Arion banki leitar að kraftmiklum og metnaðarfullum einstaklingi í starf Öryggisstjóra samstæðunnar. Öryggisstjóri heyrir undir framkvæmdastjóra Áhættustýringarsviðs bankans og er hluti af stjórnendateymi sviðsins. Bankinn starfar eftir þriggja línu líkaninu og er hlutverk öryggisstjóra í annarri línu. Öryggisstjóri styður við fyrstu línu og hefur eftirlit með virkni stýringa sem verja bankann fyrir áhættum sem tengjast upplýsinga- og tækniöryggi og raunlægu öryggi. Bankinn leggur mikla áherslu á öryggi og traust og hefur metnað til að vera í fremstu röð þegar kemur að öryggismálum. Öryggisstjóri á sæti í rekstraráhættunefnd bankans en bankastjóri gegnir formennsku í nefndinni.

Helstu verkefni:

• Ábyrgð á ISO 27001 vottuðu stjórnkerfi öryggismála (ISMS) samstæðunnar

• Eftirlit með bestu framkvæmd öryggismála og hlítni bankans og dótturfélaga við ytri kröfur

• Úttektir og prófanir á virkni öryggisvarna, öryggisvöktunar og viðbrögðum við öryggistengdum atburðum

• Ábyrgð á viðbúnaðarumgjörð bankans vegna rekstrarsamfellu

• Þátttaka í öryggissamstarfi fjármálastofnana á Norðurlöndunum á vegum Nordic Financial CERT

• Ábyrgð á öryggisþjálfun starfsfólks í samvinnu við Mannauð

• Regluleg upplýsingagjöf til stjórnenda og stjórnar bankans

• Öryggisstjóri leiðir deild öryggismála á áhættustýringarsviði en undir eininguna falla einnig mál sem tengjast vörnum og viðbrögðum í tengslum við netsvik og peningaþvætti

Hæfniskröfur:

• Háskólamenntun og reynsla sem nýtist í starfi

• Frumkvæði og sjálfstæð vinnubrögð

• Þekking á öryggismálum sem tengjast fjármálastarfsemi

• Vottun í öryggismálum frá ISACA, (ISC)2 eða álíka er kostur

• Þekking á rekstri upplýsingatæknikerfa og hugbúnaðarþróun

• Reynsla af stöðlum í upplýsingaöryggi

• Greiningarhæfni og lausnamiðuð nálgun

• Góðir samskiptahæfileikar

Nánari upplýsingar um starfið veita Úlfar Freyr Stefánsson framkvæmdastjóri áhættustýringar, netfang: ulfar.stefansson@arionbanki.is og Hanna María Pálmadóttir mannauðsstjóri, netfang: hanna.maria.palmadottir@arionbanki.is.

Umsóknarfrestur er til og með 21.08.2023.