Hugbúnaðarsérfræðingur í þróunarteymi

Norðurál leitar að reyndum og jákvæðum forritara til starfa í þróunarteymi fyrirtækisins. Þróunarteymið tilheyrir upplýsingatæknideild og hlutverk þess er að greina, hanna og þróa stafrænar lausnir til að styðja við starfsemi Norðuráls.

Verkefnin eru áhugaverð og krefjandi í lifandi og góðu starfsumhverfi þar sem metnaður og fagmennska eru í fyrirrúmi. Viðkomandi mun taka þátt í öllu ferli hugbúnaðarþróunar innan teymisins og þarf að búa yfir góðri forritunarkunnáttu og greiningarhæfni auk getu til að tileinka sér ný tól og forritunarmál.

Helstu verkefni og ábyrgð

• Þróun og viðhald á stafrænum lausnum Norðuráls
• Hugmyndavinna og greining
• Samþætting kerfa og gagnagrunna
• Samskipti við notendur og þjónustuaðila

Hæfni og menntun

• B.Sc í tölvunarfræði eða sambærilegt nám
• A.m.k 3 – 5 ára reynsla af forritun
• Reynsla af C# og .NET
• Kostur að hafa þekkingu á SQL og gagnagrunnshögun
• Færni í mannlegum samskiptum
• Þekking á vefþjónustum og samþættingu kerfa
• Hæfni til að starfa sjálfstætt og í hópi

Norðurál leggur áherslu á heilsusamlegt, öruggt og ánægjulegt starfsumhverfi og góðan starfsanda. Við hvetjum fólk af öllum kynjum til að sækja um. Starfsstöðin er á Grundartanga, en starfsfólki bjóðast ferðir til og frá Akranesi, Borgarnesi og af höfuðborgarsvæðinu.

Framtíðin er spennandi í álframleiðslu á Íslandi og mun framþróun grænnar álframleiðslu hafa raunveruleg áhrif á útblástur gróðurhúsalofttegunda á heimsvísu. Íslenski áliðnaðurinn er ein af stærstu útflutningsgreinum landsins og Norðurál er eitt stærsta iðnfyrirtæki á Íslandi. Á hverju ári notar Norðurál endurnýjanlega raforku til að framleiða um 320.000 tonn af áli fyrir erlenda markaði. Norðurál var valið Umhverfisfyrirtæki ársins árið 2022 af Samtökum atvinnulífsins.