Hugbúnaðarsérfræðingur í þróunarteymi

Hjá Póstinum starfar lausnamiðað keppnisfólk sem tekur fagnandi á móti síbreytilegum áskorunum hvað varðar öflugar dreifingarlausnir sem standast kröfur viðskiptavina. Hjá okkur er lögð áhersla á að móta sjálfbæra leiðtogamenningu þar sem liðsheild, þjálfun og góður starfsandi er í forgrunni. Pósturinn er jafnlaunavottað fyrirtæki og vinnur að innleiðingu grænna skrefa.

Nú leitum við að hugbúnaðarsérfræðingi í þróunarteymið okkar. Við erum stödd í miðju breytingarferli við að nútímavæða kerfi fyrirtækisins þar sem áherslan er á framúrskarandi þjónustu við viðskiptavini.

Hugbúnaðarsérfræðingur mun starfa í þróun á bakendakerfum og uppsetningu á þeim, þar sem öll nýþróun er í .net core keyrandi á kubernetes klösum í AWS, viðhaldi á Java kerfum ásamt því styðja við DevOps þróun. Inn í það spilast öll helstu verkefni hugbúnaðargerðar t.d. þarfagreining, skipulagning, skil og skjölun.

Menntunar- og hæfnikröfur:

• Háskólamenntun sem nýtist í starfi, til dæmis á sviði tölvunarfræði eða sambærilegt
• Reynsla af .net forritun eða sambærilegu forritunarmáli er kostur
• Reynsla við DevOps og AWS eða sambærilegum þjónustum er kostur
• Þekking á Unix/Linux er kostur
• Góð samskiptahæfni
• Þjónustulipurð
• Jákvætt viðhorf