Hugbúnaðarsérfræðingur hjá hugbúnaðarlausnum

Við á heilbrigðis- og upplýsingatæknideild Landspítala (HUT) leitum eftir jákvæðum og öflugum liðsmanni sem er tilbúinn að takast á við krefjandi verkefni og axla ábyrgð við umsjón og rekstur hugbúnaðarkerfa. 

Hugbúnaðarlausnaeining HUT sér um rekstur fjölda klínískra hugbúnaðarkerfa og er meginhluti þeirra á sviði rafrænnar sjúkraskrár. Auk þess fer fram á vegum einingarinnar umfangsmikil þróun og samþætting kerfa. Um er að ræða gott starfsumhverfi, spennandi verkefni auk virkrar endurmenntunar og möguleikum á starfsþróun. Starfið er laust 1. janúar 2022.

Helstu verkefni og ábyrgð

• Hafa umsjón með og bera ábyrgð á rekstri klíniskra upplýsingakerfa

• Undirbúa uppsetningu á nýjum útgáfum og skipuleggja innleiðingu þeirra

• Þjónusta, upplýsingagjöf og ráðgjöf til notenda

• Greining á þörfum notenda og þátttaka í verkefnum

• Verkefnastjórn og samskipti við birgja

Hæfniskröfur

• Háskólapróf í tölvunarfræði, verkfræði eða sambærileg menntun

• Þekking og reynsla af innleiðingu, rekstri og notendaþjónustu klínískra kerfa er kostur

• Þekking og reynsla af þarfagreiningum og samþættingu kerfa

• Þekking og reynsla af gagnasafnsvinnslu, forritun, rekstri og aðstoð við notendur

• Reynsla af teymisvinnu og verkefnastjórn

• Reynsla af sambærilegu starfi æskileg

• Jákvætt viðmót og lipurð í samskiptum

• Góð skipulagshæfni og sjálfstæð og öguð vinnubrögð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá, auk kynningarbréfs. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. 

Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 10.12.2021

Nánari upplýsingar veitir

Hannes Þór Bjarnason - hannesb@landspitali.is