Hugbúnaðarsérfræðingur – Full Stack

Andes og Prógramm leita að reynslumiklum hugbúnaðarsérfræðingum til að taka þátt í þróun á nokkrum af stærstu hugbúnaðarkerfum landsins.

Andes og Prógramm eru systurfélög sem saman mynda eitt af öflugri hugbúnaðarhúsum landsins. Við trúum því að við getum aukið skilvirkni með sérfræðiþekkingu og vali á réttum verkfærum fyrir hvert og eitt verkefni. Við erum leiðandi í stafrænni umbreytingu og sérsvið okkar eru skýjalausnir, sjálfvirkni, innviðir og flóknari hugbúnaðarlausnir. Vinnustaðurinn er frábær vettvangur fyrir þá sem vilja þróast áfram á sviði upplýsingatækni og taka þátt í krefjandi, skapandi og skemmtilegum verkefnum.

Ef þú hefur brennandi áhuga á hugbúnaðargerð, vilt þróast í starfi og taka þátt í spennandi verkefnum, þá er þetta starfið fyrir þig

Helstu verkefni og ábyrgð

• Þróun upplýsingakerfa fyrir stærri stofnanir og fyrirtæki
• Sjálfvirknivæðing vinnuferla, skjölun og uppsetning á stafrænum innviðum
• Samstarf við fjölbreytt teymi og viðskiptavini í þróun nýrra lausna

Menntunar- og hæfniskröfur

• Háskólamenntun í tölvunarfræði, hugbúnaðarverkfræði eða önnur menntun sem nýtist í starfi
• A.m.k. fimm ára reynsla af hugbúnaðarþróun
• Reynsla í C# og .Net Core kostur
• Reynsla af Microsoft SQL Server gagnagrunnum kostur
• Áhugi á að tileinka sér nýja tækni og þróast í starfi
• Lipurð í mannlegum samskiptum, sjálfstæði og drifkraftur
• Mjög góð enskukunnátta, bæði í töluðu og rituðu máli

Fríðindi í starfi

• Kaupréttaráætlun
• Sveigjanlegur vinnutími
• Heilsustyrkur
• Samgöngustyrkur
• Mötuneyti
• Öflugt starfsmannafélag