Hugbúnaðarsérfræðingur

Starf hugbúnaðarsérfræðings hjá Landmælingum Íslands á Akranesi

Laust er til umsóknar starf hugbúnaðarsérfræðings hjá Landmælingum Íslands (LMÍ). Landmælingar Íslands eru ríkisstofnun staðsett á Akranesi. Meginhlutverk hennar er að sinna landmælingum og vinnslu landupplýsinga ásamt vinnu við innleiðingu INSPIRE tilskipunarinnar og laga um grunngerð fyrir stafrænar landupplýsingar á Íslandi. Hjá stofnuninni vinna 29 starfsmenn með hæfni sem byggir á öflugri liðsheild og hópavinnu.

Starfssvið:
• Vinna að vefþjónustum til að veita aðgang að gögnum LMÍ
• Vinna við uppbyggingu og viðhald gagnagrunna fyrir landupplýsingar
• Vinna að lausnum sem samræma notkun landupplýsinga hjá opinberum aðilum m.a. á grundvelli INSPIRE tilskipunar Evrópusambandsins
• Vinna að lausnum vegna innleiðingar laga um grunngerð fyrir stafrænar landupplýsingar á Íslandi
• Vinna við ýmsar sértækar hugbúnaðarlausnir fyrir LMÍ

Hæfniskröfur:
• Háskólamenntun t.d. í tölvunarfræði, verkfræði, kerfisfræði, landupplýsingafræðum eða önnur háskólamenntum sem nýtist í starfi
• Reynsla af forritun, gagnagrunnsvinnu og vefþjónustu
• Hæfni í mannlegum samskiptum og skipulögðum vinnubrögðum
• Frumkvæði, sjálfstæði og nákvæmni í starfi
• Góð enskukunnátta