Forritari

Valitor óskar eftir að ráða forritara í þróunarteymi Útgáfulausna á Íslandi.

Þróunarteymi Útgáfulausna sér um hugbúnaðarþróun fyrir kortaútgáfu og tengdar greiðslulausnir sem Valitor býður upp á. Teymið heldur utan um kerfi á bak við kortanotkun, vefþjónustur, uppgjörskerfi gagnvart bönkum og korthöfum sem og farsímagreiðslur á borð við Apple Pay o.fl.

Teymið er reynslumikið og hefur unnið að allri framþróun í kringum kortaviðskipti sem hefur átt sér stað hérlendis undanfarin ár. Við leitum að kraftmiklum einstaklingi sem hefur áhuga á að verða hluti af öflugu teymi og taka þátt í spennandi verkefnum sem framundan eru.

Menntunar- og hæfniskröfur:

• Háskólapróf í tölvunarfræði, verkfræði eða sambærilegt

• 3+ ára reynsla af forritun í .NET/C#

• Þekking á SQL

• Reynsla af vinnu í agile þróunarteymi og notkun á git útgáfustýringarkerfi

• Áhugi á sjálfvirknivæðingu í prófunum og útgáfum

• Færni í mannlegum samskiptum og hópavinnu

• Lausnamiðað hugarfar og vilji til að takast á við breytilegar áskoranir

• Góð íslensku- og enskukunnátta í ræðu og riti