Deildarstjóri notendabúnaðar

Advania leitar að metnaðarfullum starfskrafti til að sölu- og vörustýra notendalausnum félagsins og veita þeim framgang.

Deildarstjóri ber ábyrgð á rekstri verslunar, vefverslunar og viðgerðarþjónustu Advania ásamt vörustýringu á notendabúnaði frá framleiðendum eins og DELL, HP og Xerox. Hann er ábyrgur fyrir starfsmannahaldi, upplýsingagjöf, áætlanagerð og öðrum tilfallandi verkefnum sem hefur með rekstur deildarinnar að gera.

Um er að ræða mjög krefjandi og skemmtilegt starf sem krefst mikillar þekkingar á retail-markaðnum.

Hæfniskröfur
Háskólamenntun og/eða önnur menntun sem nýtist í starfi
Þekking og reynsla af IT rekstri
Sjálfstæð og skipulögð vinnubrögð
Geta til að tjá sig í ræðu og riti
Drifkraftur, frumkvæði og mikil þjónustulund
Lipurð og hæfni í mannlegum samskiptum

Um Advania
Advania er jafnréttissinnað, fjölskylduvænt og hlúir vel að starfsfólki. Kúltúrinn er frjálslegur og óþvingaður, vinnutíminn sveigjanlegur og vinnuaðstaðan frábær. Kaffið er magnað og maturinn fyrsta flokks. Félagslífið er kraftmikið og uppákomur tíðar. Gildi Advania eru ástríða, snerpa og hæfni.

Umsóknarfrestur er til og með 16. september. Vinsamlegast sendið ferilskrá með umsókn.