AWS rekstrar- og öryggissérfræðingur

Andes leitar að sérfræðingi til starfa við kerfisrekstur og eftirlit í AWS umhverfi.

Ert þú með með brennandi áhuga á AWS skýjatækni, sjálfvirkni, nútímavæðingu, rekstraröryggi og bestun á rekstri og eftirliti með kerfum sem keyra í AWS?

Hjá Andes gengur þú í lið með öflugustu AWS sérfræðingum landsins sem hafa það að markmiði að veita hágæða tækniráðgjöf í nútíma skýjaumhverfi.

Starfið er fyrir fólk sem vill sérhæfa sig í AWS, netkerfum, öryggisstýringum, kerfisþróun og að hámarka uppitíma og öryggi.
Viðkomandi þarf að vera með lausnamiðað hugarfar og metnað til að nýta þá möguleika sem finna má í AWS til að upplýsingatæknikerfi standist kröfur nútímans um öryggi, hraða og áreiðanleika.

Helstu verkefni og ábyrgð

• Hönnun og uppsetning net- og öryggisinnviða í AWS með áherslu á öryggi, áreiðanleika, skölun, sveigjanleika og kostnað.
• Ráðgjöf fyrir rekstrar- og þróunarteymi viðskiptavina um skýjahögun, umgjörð (account structure), nethögun og öryggi.
• Þátttaka í yfirfærsluverkefnum (migration) og nútímavæðingu innviða í AWS.
• Þróun og bestun nútíma eftirlits með innviðum og kerfum í AWS

Menntunar- og hæfniskröfur:

• Góð samskiptahæfni, jafnt við fólk sem kerfi
• Umtalsverð reynsla af GNU/Linux kerfisrekstri og/eða rekstri netkerfa
• Menntun og/eða reynsla af störfum þar sem reynir á forritunarkunnáttu
• Áhugi á að kynna sér þær nýjungar sem kunna að leysa eldri tækni af hólmi
• AWS vottun kostur en ekki skilyrði

Fríðindi og aðbúnaður

• Samkeppnishæf launakjör
• Fjölbreyttur hádegismatur
• Heimanet og símaáskrift ásamt símtæki
• Heilsueflingarstyrkur
• Sveigjanlegur vinnutími

Aðrar upplýsingar

Andes er fyrsta íslenska fyrirtækið sem hlýtur AWS Advanced Partner vottun Amazon og vinnur náið með sérfræðingum AWS um heim allan.

Andes mun styðja starfsmenn í að sækja sér vottun á borð við AWS Solutions Architect.

Nánari upplýsingar

Nánari upplýsingar um starfið veitir Jóhannes Ólafur Jóhannesson, (johannes@andes.is)