Vefþróun – Kennarar

Við ætlum að bjóða upp á öfluga námsleið í Vefþróun – Ert þú sá/sú sem við leitum að?

Tækniskólinn óskar eftir sérfræðingum á sviði vefhönnunar og viðmótsforritunar sem hafa áhuga á að kenna og byggja upp öflugt nám í Vefþróun. Við leitum af einstaklingum sem hafa víðtæka reynslu og þekkingu við gerð veflausna.

Skemmtilegt og fjölskylduvænt starf þar sem þú getur haft áhrif á að móta öfluga vef- og viðmótsforritara sem þörf er á í samfélaginu. Starfið er sveigjanlegt og með möguleika á að aðlaga vinnutíma að þörfum starfsmanna.

Vefhönnuður – Kennari

Starfssvið:

• Kennsla í vefhönnun, notendaupplifun og notendaviðmóti
• Skipulag á kennslu í samstarfi við Tækniskólann
• Skipulagning á námsefni og verkefnum

Hæfniskröfur
– Víðtæk þekking og reynsla af vefhönnun
– Viðtæk þekking og reynsla af notendaupplifun og notendaviðmóti
– Einstaklega gott auga fyrir hönnun
– Nám í vefhönnun, grafískri hönnun eða öðru sambærilegu námi kostur
– Hæfni í mannlegum samskiptum
– Áhugi og metnaður fyrir að þróa öflugt nám í vefþróun

Viðmótsforritari – Kennari

Starfssvið:

• Kennsla í HTML, CSS og JavaScript
• Skipulag á kennslu í samstarfi við Tækniskólann
• Skipulagning á námsefni og verkefnum

Hæfniskröfur

• Víðæk reynsla og þekking af viðmótsforritun
• Framúrskarandi færni í að búa til viðmót með HTML og CSS
• Mjög gott vald á JavaScript
• Nám í vefforritun eða öðru sambærilegu námi kostur
• Hæfni í mannlegum samskiptum
• Áhugi og metnaður fyrir að þróa öflugt nám í vefþróun

Tækniskólinn býður næstkomandi haust uppá nám í vefþróun með áherslu á viðmótsforritun. Námsleiðin er fyrsta sinnar tegundar á Íslandi og er tveggja ára nám á fagháskólastigi. Markmiðið er að byggja upp nám þar sem sérfræðingar á sviði vefþróunar deila reynslu og þekkingu með nemendum í opnu starfsumhverfi. Í náminu verður lögð mikil áhersla á hugmyndavinnu, frumkvæði og sjálfstæð vinnubrögð undir handleiðslu sérfræðinga og í nánu samstarfi við atvinnulífið.

Sérstaða námsins felst í: fámennum nemendahóp, góðu aðgengi að kennurum, námsumhverfi sem stuðlar að samheldni, samvinnu nemenda og verkefnavali, þar sem sköpun einstaklings fær að njóta sín.