Sérfræðingur í markaðsviðskiptum í upplýsingatækni

Íslandsbanki leitar eftir öflugum aðila til starfa við hugbúnaðarþróun á sviði Markaðsviðskipta. Markaðslausnir er deild innan Hugbúnaðarlausna sem er m.a. ábyrg fyrir lausnum á sviði markaðsviðskipta (verðbréfa og gjaldeyrismiðlun, fyrirtækjaráðgjöf og greining). Þróunarteymið starfar eftir Scrum aðgerðafræði við hugbúnaðarþróun og leggur mikla áherslu á gæði og notagildi hugbúnaðar. Við leitum að metnaðarfullum einstaklingi sem hefur frumkvæði og gæðahugsun að leiðarljósi og brennandi áhuga á að starfa með öflugum og skemmtilegum hópi að krefjandi verkefnum.

Helstu verkefni:
• Greining, hönnun, þróun og innleiðing hugbúnaðar
• Virk þátttaka í Scrum fræðum og viðburðum með teyminu
• Verkefnatengd þjónusta við viðskiptavini og ráðgjöf

Þekking og reynsla:
• Háskólapróf í tölvunarfræði, verkfræði eða sambærileg menntun
• Góð þekking og reynsla af forritun í .Net (WCF, WPF) og SQL Server
• Þekking á verðbréfa-, gjaldeyris- og afleiðuvörum mikill kostur
• Rík þjónustulund og lipurð í mannlegum samskiptum
• Þekking á Python, WebMethods, Oracle og Sybase er kostur
• Þekking og metnaður til að starfa eftir Agile aðferðafræði
• Reynsla af starfi hjá fjármálafyrirtæki æskileg