Hugbúnaðarsérfræðingur

Borgun leitar að öflugum hugbúnaðarsérfræðingi á Upplýsingatæknisvið

Við leitum að metnaðarfullum forritara sem hefur reynslu, þekkingu og áhuga á hönnun og þróun gagnagrunna og samþættingu bakendalausna. Forritara sem er fær um að hanna og skila hágæða hugbúnaði á réttum tíma og hefur vilja til að auka við þekkingu sína á núverandi og nýrri tækni. Forritara sem er fljótur að bregðast við breytingum á kröfum en missir þó ekki sjónar á mikilvægi þess að viðhalda samræmi og gæðum í kóða.

Reynsla af öllum stigum hugbúnaðarþróunar er ótvíræður kostur. Hjá Borgun færðu tækifæri til að taka þátt í nýsköpunarverkefnum auk aðlögunar og uppfærslu eldri lausna. Sjálfstæð og öguð vinnubrögð eru nauðsynleg en reynsla af vinnu í Agile teymi er mikill kostur.

Þetta er einstakt tækifæri til að verða þátttakandi í framúrskarandi teymi sem fæst við þróun og innleiðingu lausna sem krefjast meiri uppitíma, öryggis og áreiðanleika en almennt gerist í hugbúnaðargerð á Íslandi.

Helstu verkefni
• Samþætting fram- og bakendalausna
• Bestun gagnagrunnsfyrirspurna
• Innleiðing aðkeyptra lausna
• Hönnun og þróun nýrra virðisaukandi tæknilausna
• Aðkoma að öllum þáttum hugbúnaðarþróunar, frá greiningu til innleiðingar
• Þátttaka í mótun og framfylgni á tæknilegri framtíðarsýn
• Stuðningur við rekstur og kerfisstjórn

Umhverfi
• Hugbúnaðarþróun í .NET og Java. Þekking á WebMethods er kostur
• Þróun gagnagrunna og fyrirspurna á SQL Server, Oracle og DB2
• Stýrikerfi eru Linux, Windows og AIX

Menntun og hæfniskröfur
• Háskólapróf í tölvunarfræði, kerfisfræði eða sambærilegu
• Þekking og reynsla af forritun með .Net, Java og gagnagrunna
• Reynsla af fjölbreyttu tækniumhverfi er æskileg
• Forvitni og áhugi á nýrri tækni
• Þekking og reynsla af Agile er kostur
• Færni í samskiptum, sjálfstæði, öguð vinnubrögð, metnaður, sköpunarkraftur
og frumkvæði í starfi