Hönnuður á upplýsingatæknisviði – Enterprise Architect

Íslandsbanki leitar eftir að öflugum aðila til starfa sem hönnuður á upplýsingatæknisviði (Enterprise Architect). Hjá bankanum starfar teymi hönnuða sem leiða upplýsingatæknistefnu bankans og vinna með öðrum teymum í upplýsingatækni við að tryggja að útfærslur séu í samræmi við stefnu. Miklar kröfur eru gerðar um metnað í starfi og fagleg vinnubrögð til að ná góðum árangri. Við leitum að skipulögðum einstaklingi með yfirburðaþekkingu sem hefur frumkvæði, góða samskiptahæfileika, mikla þjónustulund og getur unnið sjálfstætt.

Helstu verkefni:
• Leiða vinnu með grunnkerfahópum um uppbyggingu og útfærslu á tæknihögun
• Einn af lykilaðilum við þróun og viðhald upplýsingatæknistefnu bankans
• Vinnur með deildum á upplýsingatæknisviði og viðskiptaeiningum að hönnun lausna í upplýsingatækni
• Utanumhald og eftirfylgni á þróunarmynstrum, kóðareglum og sniðmátum
• Val á lausnum til að styðja við stefnu bankans

Þekking og reynsla:
• Háskólapróf í verkfræði, tölvunarfræði eða sambærileg menntun. Framhaldsmenntun æskileg
• Víðtæk þekking og reynsla af upplýsingatækni
• Þekking á þjónustumiðari högun upplýsingakerfa
• Þekking og reynsla af Agile aðferðarfræði æskileg
• Reynsla af starfi hjá fjármálafyrirtæki æskileg