Full Stack forritari

Vilt þú hafa jákvæð áhrif á heilbrigðiskerfið í gegnum tækni?

Við leitum að metnaðarfullum og lausnamiðuðum alhliðaforritara (fullstack) með brennandi áhuga á að þróa öflugar og öruggar hugbúnaðarlausnir fyrir heilbrigðisstarfsfólk og sjúklinga.
Hjá Helix Health hafa traustar og skilvirkar lausnir bein áhrif á líf fólks. Hver lína af kóða getur sparað dýrmætan tíma, aukið öryggi og haft raunveruleg áhrif á líðan og lífsgæði sjúklinga og heilbrigðisstarfsfólks.
Ef þú vilt vinna að lausnum sem skipta máli, þá viljum við heyra frá þér.

Hlutverk og ábyrgð

• Taka virkan þátt í þróun og viðhaldi hugbúnaðarlausna Helix
• Vinna náið með fjölbreyttum teymum með því markmiði að skapa öflugar og áreiðanlegar lausnir
• Nýta ný tól og aðferðir (m.a. gervigreind) til að auka skilvirkni og gæði í þróun
• Sjá til þess að þróun bakenda fylgi viðurkenndum vinnulögum og bestu verklagsreglum, með áherslu á gæði, öryggi og viðhald
• Taka þátt í samþættingu milli kerfa og tryggja áreiðanlegt gagnaflæði
• Deila þekkingu, taka þátt í kóðaúttektum og styðja samfellda faglega þróun teymisins
• Leggja sitt af mörkum til lausnamiðaðs og jákvæðs teymisanda þar sem samvinna og virðing eru í forgrunni

Hæfni

• Reynsla af .NET (C#)
• Reynsla af Angular – kostur
• Reynsla af GraphQL – kostur
• Þekking á gagnagrunnum – kostur
• Reynsla af samþættingu milli kerfa – kostur
• Jákvætt viðhorf, lausnamiðuð hugsun og góð samskiptahæfni
• Menntun í tölvunarfræði, hugbúnaðarverkfræði eða sambærilegum greinum, eða sambærileg reynsla

Við bjóðum

• Tækifæri til að starfa í fjölbreyttu og lifandi starfsumhverfi.
• Hvetjandi verkefni þar sem virðing og samvinna eru lykilatriði.
• Sveigjanleika og tækifæri til persónulegs og faglegs vaxtar.
• Tækifæri til að vinna með nýjustu tækni, þar á meðal gervigreind, í raunverulegum verkefnum.
• Samgöngustyrk og íþróttastyrk
• Líkamsræktaraðstaða í húsinu
• Frábært mötuneyti
• Skýra og metnaðarfulla nálgun á fæðingarorlof sem styður vel við starfsfólk

Vinsamlegast sendið ferilskrá og kynningarbréf með umsókn.
Helix Health hefur þróað tæknilausnir fyrir íslenskt heilbrigðiskerfi í 30 ár. Hér vinnur metnaðarfullt teymi með fjölbreyttan bakgrunn sem hefur það að leiðarljósi að vilja hafa jákvæð áhrif á samfélagið. Hjá Helix starfa um 50 starfsmenn í fjölbreyttum og krefjandi verkefnum, þar sem hver lína af kóða hefur raunveruleg áhrif.
Umsóknarfrestur er til og með 9.apríl. Allar umsóknir og fyrirspurnir verða meðhöndlaðar sem trúnaðarmál og þeim svarað.