Forstöðumaður upplýsingatæknisviðs

Lífeyrissjóður verzlunarmanna leitar að öflugum stjórnanda til að leiða teymi hugbúnaðarsérfræðinga á upplýsingatæknisviði. Forstöðumaður upplýsingatæknisviðs heyrir undir framkvæmdastjóra sjóðsins og situr í framkvæmdastjórn. Viðkomandi mun leiða stefnumótun upplýsingatækni, vinna að þróun hugmynda og skipulag verkefna ásamt því að leggja áherslu á gæði, tæknilega framþróun og afhendingu lausna.

Forstöðumaður hefur góða yfirsýn yfir kerfi og viðskiptaferla sem falla undir ábyrgðarsvið í samræmi við upplýsingatæknistefnu sjóðsins. Starfið felur í sér stefnumótun, þróun hugmynda og skipulag verkefna í nánu samstarfi við stjórnendur og starfsfólk.

Á upplýsingatæknisviði starfa 11 hugbúnaðarsérfræðingar sem þróa og viðhalda hugbúnaði sjóðsins. Umfangsmikil kerfi eru þróuð af starfsfólki sviðsins sem meðal annars styðja við grunnstarfsemi og halda utan um réttindi sjóðfélaga og eignir sjóðsins.

Helstu verkefni:

• Mótun og innleiðing stefnu og markmiða í upplýsingatækni.
• Forysta og stjórnun.
• Skipulagning og framkvæmd verkefna, eftirfylgni og árangursmat.
• Skipulag og þróun mannauðs.
• Fylgni við gæðakröfur, verklagsreglur, stefnumið og kröfur sem gerðar eru til eftirlitsskyldra aðila á fjármálamarkaði.
• Viðskiptahugsun í takt við markaði og tækifæri.
• Samskipti við ytri eftirlitsaðila.

Menntunar- og hæfniskröfur:

• Háskólapróf í tölvunarfræði, verkfræði eða sambærileg menntun.
• Reynsla af forystu og stjórn verkefna.
• Leiðtogahæfni og framúrskarandi samstarfs- og samskiptahæfni.
• Frumkvæði og metnaður til að ná árangri í starfi.
• Geta til að móta stefnu og koma hugmyndum í framkvæmd.
• Framsýni, frumkvæði og nýsköpunarhæfni.
• Reynsla af hugbúnaðarþróun.
• Reynslu af túlkun gagna og greiningu, kynningum og miðlun upplýsinga.
• Hæfni og geta til að vinna undir álagi.

Nánar um fyrirtækið:
LV er leiðandi lífeyrissjóður sem styður við fjárhagslega framtíð sjóðfélaga. Starfsemin felst í marvíslegum verkefnum varðandi móttöku iðgjalda, ávöxtun og umsýslu alþjóðlegs eignasafns sem og víðtæka þjónustu við sjóðfélaga. Á liðnu ári greiddi sjóðurinn rúma 40 milljarða í lífeyri til ríflega 27 þúsund sjóðfélaga. Fjármunir sjóðfélaga eru ávaxtaðir með gagnsæjum og ábyrgum hætti með samfélagslega ábyrgð að leiðarljósi. Eignir LV eru ávaxtaðar í fimm eignasöfnum og námu 1.458 milljörðum króna í árslok 2024.

Hjá sjóðnum starfar 66 manna samhent liðsheild þar sem lögð er áhersla á að hver og einn nái að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi.

LV býður upp á góða starfsaðstöðu og starfsumhverfi þar sem áhersla er meðal annars lögð á heilbrigt og öruggt starfsumhverfi, jafnræði í stjórnunarstörfum, tækifæra til starfsþróunar og jafnvægi milli vinnu og einkalífs. LV er jafnlaunavottað, hefur sett sér stefnu um sjálfbærni í rekstri sjóðsins og vinnur markvisst að því að skapa umhverfi þar sem allir fá tækifæri til að blómstra.
www.live.is