Forritarar

Upplýsingatæknideild Hagstofu Íslands leitar eftir tveimur forriturum til starfa. Um er að ræða eitt fast starf og annað tímabundið starf í eitt ár. Viðkomandi þarf að hafa þekkingu á bæði framenda og bakendaforritun og verður hluti af teymi sem vinnur saman að úrlausn fjölbreyttra verkefna.
Bæði störfin fela í sér spennandi verkefni í framþróun UT-kerfa Hagstofunnar.

Menntunar- og hæfniskröfur

• Háskólamenntun í tölvunar-, kerfisfræði eða sambærilegum greinum er kostur
• Góð þekking á gagnagrunnsforritun svo sem T-SQL, PL/SQL, ETL
• Reynsla í .NET umhverfinu og þá aðallega C#
• Góð þekking á vefstöðlum svo sem CSS, JSON, Javascript, JQuery
• Reynsla af því að vinna eftir Agile/Scrum aðferðafræði er kostur
• Góðir samskipta- og samstarfshæfileikar

Um er að ræða fullt starf og er æskilegt að viðkomandi geti hafið störf sem fyrst. Laun eru skv. kjarasamningi fjármálaráðuneytisins og hlutaðeigandi stéttarfélags.

Umsóknarfrestur er til og með 7. 4. 2015. Umsóknir skulu sendar á netfangið starfsumsokn@hagstofa.is. Einnig má senda umsóknir í pósti á eftirfarandi póstfang: Hagstofa Íslands, starfsumsókn, Borgartúni 21a, 150 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknarfrestur rennur út.

Nánari upplýsingar um starfið veitir Ólafur Arnar Þórðarson í síma 5281000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Nánari upplýsingar má finna á www.hagstofa.is