Appforritari

Ertu reynslumikill appforritari með ástríðu fyrir að smíða falleg og notendavæn öpp? Veflausnateymi Sýnar leitar að öflugum liðsmanni sem brennur fyrir góðri notendaupplifun til að slást í hópinn. Í þessu starfi færðu tækifæri til að vinna með fjölbreyttum tæknilausnum þvert á stýrikerfi og tæki, taka virkan þátt í að móta og bæta stafræna upplifun notenda Sýnar.

Helstu verkefni og ábyrgð

• Þróun og viðhald á SÝN sjónvarpsappinu þvert á öll stýrikerfi og tæki, þ.m.t. iOS, tvOS, Android, Android TV, Tizen og WebOS
• Þátttaka í rekstri og þróun á öðrum öppum og vefjum félagsins
• Þátttaka í tæknilegri endurnýjun og þróunarumhverfi appsins
• Þróun í samvinnu við hönnuð, vörustjóra og aðra forritara

Menntunar- og hæfinskröfur

• BSc gráða í tölvunarfræði eða verkfræði kostu
• Reynsla af React Native þróun í Typescript fyrir iOS og Android
• Reynsla á forritun fyrir snjallsjónvörp kostur
• Reynsla á Expo er mikill kostur, þ.m.t. Expo Prebuild og EAS Build
• Reynsla á app útgáfustjórnun í App Store og Google Play

Það sem við höfum upp á að bjóða

• Krefjandi og spennandi tæknilega vegferð
• Metnaðarfullt og hæft teymi með skýra tæknilega stefnu
• Tækifæri til að hafa bein áhrif á vöru sem þúsundir Íslendinga nota daglega
• Líflegur og skemmtilegur vinnustaður með frábært mötuneyti

Fríðindi í starfi

• Frábæra vinnufélaga
• Framúrskarandi vinnuaðstöðu
• Mötuneyti á heimsmælikvarða
• Internet- og farsímaáskrift
• Streymisveitu Sýnar og Viaplay
• Árlegan heilsustyrk
• Símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Við hvetjum áhugasöm af öllum kynjum til að sækja um í gegnum ráðningavefinn okkar. Umsóknarfrestur er til og með 7. september 2026.

Fyrir nánari upplýsingar má senda póst á mannaudur@syn.is

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun. Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.